Gabonetako Tailerrek oso harrera ona eduki dute

2018/01/08
Aurreko ostiralean bukatu ziren Zumalakarregi Museoak 6 urtetik gorako haurrentzako antolatu zituen Gabonetako Tailerrak, oso harrera ona edukiz, izan ere, tailer guztietan gehienezko pertsona kopurua bete zen.

Ostiraleko tailerrean, txokolatezko turroiak egiteko tailerrean, parte hartzaile bakoitzak bere turroia egin zuen, txokolatea nundik datorren eta nola egiten den ikasi eta gero. Gainera, turroiak hozten ziren bitartean, txokolate-dastatze itsua egin dute, txokolate mota desberdinak ezagutuz eta bakoitzak bere turroiaren bilgarria egin zuen.

ZM Txokolatezko turroia egiteko tailerra

Abenduak 28an, Gabonetako apaingarriak egiteko tailerrean ere primeran pasa zuten, bakoitzak hainbat apaingarri egiten zituen eta denon artean, talde lanean, gabonetako koro polit bat egin zuten Museoan jartzeko.

ZM Gabonetako apaingarriak egiteko tailerra

Bestalde, Pernan Goñiren eskutik egin zen Karikatura Tailerra, oso dibertigarria izan zen, izan ere, karikaturak egiteko teknika desberdinak ikasi zituzten eta tailerraren bukaeran, Pernan Goñi artistak bakoitzari bere karikatura egin zion etxera eramateko.

ZM Karikatura tailerra_Pernan Goñi

Azkenik, Tere Gartziaren eskutik egin zen Talo tailerrean, pilo bat ikasi zuten artoari eta honek dakarren ohiturei buruz. Artoa nondik datorren, zertarako erabiltzen zen, taloa nola egiten den, etab ikusi ondoren, bakoitzak hainbat talo goxo-goxo egin zituen.

ZM Talo Tailerra_Tere Gartzia

Tailer bakoitzean hainbat herritako (Tolosa, Segura, Ormaiztegi…) 20 ume bildu ziren, guztietan gehienezko pertsona kopurua betez.

Argazki gehiago ikusteko sakatu hemen

Gabonetako Tailerrek oso harrera ona eduki dute

ZM Txokolatezko turroia egiteko tailerra