XIX. mendeko eleganteen III. bilkurak utzitakoa
2015/11/25
XIX. mendeko eleganteen III. bilkurak argazki zoragarriak utzi dizkigu. Hemen dituzue guk eta komunikabide batzuk sortu dituzten bideo eta argazkiak. Gozatu!
Larunbatean, XIX. mendeko eleganteen III. bilkura Ormaiztegin
2015/11/17
Elegante Egunaren barruan, Zumalakarregi Museoak bultzatuta, XIX. mendeko eleganteen III. bilkura egingo dugu larunbatean. Egitarau zabala osatu dugu. Baina, larunbata baino lehen, OSTIRAL HONETAN, 18:00ETAN DANTZA ELEGANTEEEN ENTSEGUA egingo dugu Zumalakarregi Museoan. Anima zaitez zeu ere!
Españolamendi eta Zelandietan primeran pasa genuen
2015/11/17
Larunbatean Zelandieta eta Españolamendira txangoa egin genuen. Primerako eguraldia lagun, Zumalakarregi Museotik abiatu eta inguur hauetan eman ziren gerrateen inguruan asko ikasteko aukera izan genuen.
Karlistadak azalduz Urretxu-Zumarraga Ikastolan
2015/11/10
Urretxu-Zumarragako Ikastolako ikasleek irakasle ezberdina izan dute gaur. Zumalakarregi Museoko Mikel Alberdik Lehen eta Bigarren Karlistadak azaldu dizkie Batxilergoko 2. mailako ikasleei.
Zintzo egon dira gero, Mikelen azalpenak entzuten!
Azaroak 14an Españolamendi eta Zelandietara txangoa
2015/11/06
Ormaiztegiko, Idiazabalgo eta Mutiloako mugan dauden Españolamendira eta Zelandietara txangoa.
Aranzadi kultur elkarteko Alfredo Morazak Gerra Karlista eta azken Gerra Zibilean egindako eta erabilitako trintxera hauen inguruko bitxikeriak kontatuko dizkigu. Bestalde, I. Gerra Karlistan Tomas Zumalakarregik parte hartu zuen 1835ko urtarrilaren 2an izandako Zelandietako ekintzaren berri Mikel Alberdi, Museoko arduradunak, emango du.
Feillet ahizpen erakusketa Baionan
2015/11/04
"Hélène eta Blanche Feillet, emakume margolari aitzindariak XIX. mendeko Euskal Herrian" erakusketa datorren ostiralean, azaroak 6, zabaltzen da Baionako Euskal Museoan. Zumalakarregi Museoarekin elkar lanean burututako erakusketa hau datorren urtarrilak 31ra arte egongo da zabalik.
Edukiak ingelesez eta frantsesez ikusgai ditugu webgunean
2015/10/28
Gaurtik aurrera, gure webguneko eduki finkoak euskaraz, gazteleraz, ingelesez eta frantsesez irakurtzeko moduan ditugu.
Argazkialdia´15 Irizar ikusteko azken astea
2015/10/28
Zumalakarregi Museoan Lobo Altuna argazkilariaren argazkiak ditugu ikusgai, Argazkialdia´15 Irizar proiektupean. Erakusketa hau ikusteko azken astea da hau, azaroaren 1ean bukatuko baita.
Urriak 3an tailerra egingo dugu: "3D argazkigintza: XIX. mendean eta orain"
2015/09/24
XIX. mendean argazkiak hiru dimentsiotan ikusi ahal izateko “bisore estereoskopiko” izeneko tresna asmatu zuten. Tailer honetan, bisore estereoskopiko bat eraikitzeko aukera izango duzu eta argazkiak 3Dn egiteko teknikak ikasi eta eta probatuko dituzu, argazkilari profesional batek lagunduta.
2014ko XIX. mendeko Elegante Bilkuraren erakusketa
2015/09/16
San Andres jaiak urruti ikusten baditugu ere, konturatzerako iritsiko dira. Ormaiztegiko udalarekin elkarlanean, ikastaro desberdinetan egindako jantzi, osagarri eta iazko XIX. mendeko Eleganteen Bilkurako argazkiekin, erakusketa bat egin dugu. Hau, irailaren 16tik 27ra arte izango dugu ikusgai Zumalakarregi Museoan.