XIX. mendeko eleganteen bilkuraren X. urteurrena
"XIX. mendeko eleganteen bilkura" museoaren ekimena da, parte-hartze prozesu aktiboa, non herritarrak gonbidatzen ditugun XIX. mendearen amaieran eta XX. mendearen hasieran, Ormaiztegiko bainuetxearen zerbitzuez gozatu zuten pertsonen itxura hartzera janzkeraren bidez.
2013an Eleganteen bilkuraren aurreneko edizioaren jantziak josten
Aurreko edizioetan zehar, bainuetxe zaharraren memoriarekin lotutako hainbat jarduera antolatu ditugu. Urteurren honetarako, Ondarearen Europako Jardunaldien barruan, eta "Ondare bizia" lelopean, ebaketa eta jantzigintzako tailerrak antolatu genituen joan den urrian. Jesusa Arratibel Dorronsororen XX. mende hasierako ezkontzako soinekoaren patroiak erabiliz jantzi berriak sortzeko aukera ematea zen helburua. Soinekoa MusealiaK 9. ekimeneko protagonista izan zena.
Leire Santillán diseinatzaileak egindako soinekoaren patroiei eta soinekoaren tailei esker, soinekoa birsortzeko aukera eman dugu.
Jantzigintzako tailerretan erabilitako patroiak
Goierri Irrati Telebistak tailerrei buruzko erreportaia egin zuen.
Tailerreko 4 saio horien emaitzak Eleganteen bilkuraren 10. edizioan estreinatu ziren. Jantzigintzako tailerren laburpena ikusentzunezko batean jaso dugu.
Jantzigintza tailerrean edizio honetarako prestatutako jatorrizko soinekoaren (manikian) birsorkuntzak
XIX. mendeko eleganteen bilkuraren egitaraua goizeko 12:00tan hasi zen. Eleganteak museoan bertan bildu ginen.
Bilkurako partaideak museo aurrean
Herria dotore apaintzeko urteroko Garaiko autoen eta txirrinduen erakusketa jarri zuen Garaiko kotxeen elkarteak.
Aurreko edizioetan bezala, Garaiko kotxeen elkartean garaiko kotxeak eta txirrinduak ikusgai ipini zituen.
XIX. mendeko Eleganteen bilkurako partaideak eliza atarian
Oraingo honetan Iraultza dantza taldeak parte hartu du Errenteriako Jantziaren zentroaren izenean.
Iraultza dantza taldeko kideak paseoan
Itxasne Artetxe ere bertan izan dugu, errekreazio historikoekin lotura handia duen pertsona, Sare Sozialetan ezagunagoa "Belle Djamila" izenarekin.
Itxasne garaiko autoan ondoan
Aurtengo beste berrikuntzetako bat pasealekuaren ibilbidea luzatzea izan da, eta, horrela, hura ikusteko aukera handiagoa izatea.
A
PIAngel Elorza argazkialriak egindako paseoaren argazki ederrak
bilIbilaldia elizatik abiatu zen eta Berjaldegi auzotik igarotzean Burrunbazale txarangak girotutako lehenengo dantzaldiaz gozatu genuen.
Bigarren geldialdia Eskola Zaharrean izan zen. Bertan elkarrekin solas egiteko aukera aprobetxatu genuen.
Azken edizioetan bezala, Balu, nazioarteko proiekzioa duen tokiko artistak 2021ean egindako graffitiaren aurrean hilezkortu zuen parte-hartzaile taldeak. Egileak XX. mende hasierako bi argazki erreproduzitu ditu. Alde batetik, desagertutako bainuetxearen argazkia eta, bestetik, Ormaiztegiko apapeadero zaharra.
XIX. mendeko trenzubiaren azpian dagoen bainuetxe zaharraren ingururaino jarraitu genuen ibilbidea, ur sulfurosozko iturria kontserbatzen den tokiraino.
Arratsaldeko 14:30tan Ormaiztegiko Harrikalariak Gazte Asanbladak antolatutako herriko Eleganteen bazkaria izan genuen.
Arratsaldean museoak umeentzako tailerra antolatu zuen etxeko gaztetxoentzako. Eguna amaitzeko 18:00tan txokolate beroa bolatu eta bizkotxoekin eskaini zituen desagertutako bainuetxean egiten zen modu berean.
Goierri Irrati Telebistak egindako erreportaia uzten dizuegu