Burdinaren koloreak

Zumalakarregi Museoak 8 eta 12 urte bitarteko haurrak dituzten familientzako jarduera antolatu du!

Jarduera honek bi zati ditu:

1) Goizean, txangoa egingo dugu Mañastegizar, Troiko barrutia, Gezurmuño eta Mañastegizar artean. Zumalakarregi Museoan elkartuko gara 10:00etan eta Mañastegizarrera joango gara kotxez. Familia bakoitzak hartu behar du bere garraioaren ardura. Norbaitek garraioa lortzeko arazoren bat badu, jar zaitez harremanetan Museoarekin.

Ibilbidean zehar, Koen Van den Driesschek inguratzen gaituen ingurunearen geologiaz hitz egingo digu eta burdinatik lor ditzakegun koloreei buruzko bitxikeriak kontatuko dizkigu.
Jardueraren lehen zati hau 13:30ean amaituko da.

2) Arratsaldean, tailer bat egingo dugu Zumalakarregi Museoan (16:30etik 18:30era). Bertan, goizean ikasitakoa praktikan jarriko dugu, lurretik lor ditzakegun baliabideekin marraztuz. Museotik mantala ekartzea gomendatzen da.

**** Heldu bat etorri behar da haur bakoitzeko.

Jarduerak gure "Gipuzkoa behin betiko: Lurraldea XIX. mendean" erakusketaren egitaraua osatzen du. 

Koenek erakusketaren egitarauaren barruan ospatu diren beste jarduerak dinamizatu ditu

Zalantzarik izanez gero, deitu 943 88 99 00 edo 659 43 45 66 telefonora.