Mutiloa-Ormaiztegi Bide Berdearen Egunaren XVI. edizioa
Museoak antolatuta eta Clara Gutiérrez biologoak eta etnobotanikak dinamizatuta, "Bide berdetik mahaira" jarduera egin genuen, ibilbide gidatua eta tailer gastronomiko bat eginez.
Liernia gaina. Elkargunea eta jardueraren hasiera
Parte-hartzaile guztiei ongietorria egin ondoren, jarduera zehatzago aurkezten dugu. Bidean aurkituko genituzkeen landare eta lore jangarriei buruz eta haien propietate gastronomiko osasungarriei buruz hitz egin zuen Clarak.
Clara Gutierrez ibilbidea gidatzen
Jardueraren osagarri, Didier Petit de Meurvillek egindako pintura-lana aurkezten genuen. XIX. mendeko egilea, bere lan ugarien artean "Flora de Guipúzcoa" (Gipuzkoako flora) hiru album delakoez goza daitekeena.
Didier Petit de Meurville
Didier Petit de Meurville Haitin jaio zen 1793.ean. Bere aita 1795eko esklaboen altxamenduan hil zutenean bere familia Bostonera aldatu zen. Urte batzuk beranduago familia Lyonen kokatu zen. Didierrek zetaren merkataritzari ekin zion bizibidez, politikoki legitimismoarekin lotzen zen bitartean. 1857.ean Frantziako kontsul hautatua izan zen Donostian. Bertan bizitako 16 urteetan bere pintura zaletasuna lantzen jarraitu zuen, hiria eta inguruetako paisaien irudi ugari eginez, bereziki landareenak.
Petit de Meurvilleren akuarelaren erreprodukzioa, koadernotxoaren azal gisa erabilia
Jardueraren lehen zatian, Klarak Bide Berdetik aurkitzen genituen landare eta lore basatiak identifikatzen irakatsi zuen.
Taldea bide berdean landareak eta loreak biltzen
Ondoren, Mutiloan, herriko Txerri Gorri elkartean tailer gastronomikoa egin genuen.
Taldea Mutiloako Txerri Gorri elkartean jasotakoa kozinatzen
Parte-hartzaileen arreta, konplizitatea, inplikazioa eta interesa nabarmena izan zen.
Egindako lanaren emaitza
Plateren aurkezpena mimo eta maitasun handiz zaintzeaz gain, emaitza bikaina izan zen.
Elkarrekin bazkaltzen
Amaitzeko, Didier Petit de Meurvillek margotutako "Flora de Gipuzkoa" ren hiru albumen erreprodukzioak aurkeztu genituen, goizean zehar ikusitako flora modu artistikoan ezagutzeko aukera emanez.
Petit de Meurville margolariaren lana gertutik ezagutzen
Hemen Goierriko Hitzak grabatutako bideoa uzten dizuegu
