Martxoaren 8ko topaketa

2023/03/10
Ohi bezala, Zumalakarregi Museoak Ormaiztegiko Udalarekin elkarlanean, topaketa bat antolatu du martxoaren 8ko Emakumeen nazioarteko egunaren gaiari eutsiz.

Museoak urteak daramatza Migrazio proiektua gauzatzen hainbat jardunaldien bidez. Emakumeen nazioarteko egunean antolatzen duen "Elkar ezagutuz/¿Nos conocemos tomando un té?" kulturarteko eta belaunaldi ezberdinen arteko topaketa Migrazio proiektua osatzen duen jardueretako bat da, aurtengoa III. edizioa izanik. 

Topaketaren kartela 

Topaketan bertan museoak XIX. eta XX. mendeko emakumeen egoerari buruzko solasaldia dinamizatu zuen, bertaratuek iritziak eta bizipenak elkarbanatzen zituzten bitartean.

Cristina Álvarez, Zumalakarregi museoko langilea, solasaldia dinamizatzen

XIX. mendeko emakumeek bizi izan zuten egoerara hurbiltzeko, Cristinak museoaren bilduma osatzen duen 1870an argiratutako liburu bat erabili zuen.

Solasaldian erabilitako liburua

Gero emakumeen egoeraz solas egiten jarraitu genuen txokolatea, tea, bizkotxoak eta pastak dastatzen genituen bitartean.

Solasean

Emakume marrokiarrak egindako postrea, Baghrir edo mila zulo

Eskerrik asko Gizarte etxera gerturatu zinetenoi eta jarduera posible egin zenutenei!